تذكرني !
تابعنا على
abyss 03 منتديات العاشق

  • Haikyuu 17
  • ReZero S2
  • Jujutsu Kaisen
  • Burn the Witch
  • Kaichou
  • Fruits
  • Tenki no Ko
  • Slam Dunk Movie 4
  • Black Cat
  • Remy
  • Gakuen Babysitters
  • Touch
  • Nakitai Watashi wa Neko wo Kaburu
  •  Lupin
  • Pokemon
  • Haikara-san
Slam Dunk Kimetsu Detective Conan Dagashi Kashi
قديم 06-11-2020, 04:14 AM   #421
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

بدي امسح كلشي عندي لهيك لازم اخط الصور واشوف شو بيطلع معي ! ومش عارفه اد حكيت عنهم ولا لأ , لانو حاطط الحكي بملف مع الصور .. سامحوني اد مكرر

؛

لسا بالكريمات والمكياج عشان اللي مش صنفه ما يكمل بالقراه .

؛

اختي الوسطى قبل ما تطلع كصه كورنا , اطلعنا اتحوجنا وطلبت اني اشتري اشي ع ذوكي وهي تدفع حكّه لهيك هاد شو اشتريت ..~



لازم كاسه للكهوه ولاني بحب الصبّار واللون التركواز وشو مكتوب عليها لهيك انبسطت اني لكيتها .



وصنيه خشب بحط فيها مكياجي ع الكومادينا , هي صح مش عمليه عندي لانو محفّره وبتلقط غبره بس مرات بتشوف اشي وبتحبه لا ارداري لهيك اشتريتها .

||



شامبو الشعر والبلسم

25 $ لكل واحد فيهم

كان من اسوء انواع الشامبوهات اللي استخدمتها , من ريحته , , ريحته من انواع الاعشاب وانا من مره مغرمه بريحه الاعشاب , بس اد بتحبي ريحه الاعشاب فا اظن فش مشكله . وملمسه عالشعر , بيحكو للترطيب لانو شعري ناشف بس بالعكس بشوف بهاد الشامبو انو لما استخدمه بخلي شعري يمتص كل الرطوبه من وين مكان من شعري ليعمل نتيجه عكسيه وبخليه ناشف اكتر , وغير انه بدي كميه كتيره مشان ينظف شعري , وبتك الشعر , وبخليه يتشابك , والبلسم ولا كأنه بلبس لا بنعم الشعر ولا برطب وريحه اعشاب وبعمل تلبيط يعني تكيل عالشعر , بعد الاستخدام يعني بعد ما ينشف شعري بصير خشن وملمسه خشن وفيه تهييج والمشط ما بمشي فيه , عذاب !اشتريه لانو ناس مدحت بالشركه ولانو للاستخدام اليومي يعني فكرت انو راح يكون فيه مواد اخف ما تتعب شعري وكان يزيد من القشره براسي اشي مش طبيعي , استخدمته لاخر نقطه فيه لانو هاد نتيجه دفع مصاري تعبان عليها

؛




كريم ليل استخدمت هاي الشركه كتير كتير من كريمات عيون لتقشير وجه وجربت هاد كريم الليل , ريحته اعشاب بس كنت اكدر اتحملها , ملمسه جدا رهيب , بحسسني من انواع الكريمات الغاليه واني غنيه , وبعطي بروده للوجه , ما كان يعمل اي حبوب او اي احمرار , بحاجه كميه مرتبه وبسرعه الوجه بيشربه, بس بسرعه خلص معي , ما كعد شهر , بصراحه كان عاجبني بس مكانش رهيب , يمكن اشتريه .

؛




كمان كريم ادين رهيب , هاد نوع متطور نحكي عن الفازلين ما غيره , نفس الملمس وبشبه شوي ع الريحه , بس هاد كان من اسرع الشغلات اللي خلصتها , لاني كنت استخدمه ع اي مكان ناشف من اديا لشفايفي لاكواع اديا لاكواع اجريا لوجهي مكان الحب , وكنت عنجد اعشقه , هاد من المفضلين .

؛




كرين الادين هاد من كريمات الادين اللي جد جد بحبها بس بكره ريحته , اي شي ريحته برتقال بحبهاش , عندي مشكله مع الروايح وخاصه بالكريمات , بس هاد الكريم من انواع الكريمات اللي كانت تقضي ع اي شنادير حوالين اظافري , كان يرطب كتير اديا الناشفين , ونحكي بده وكت لبشربه اديا بس بنفس الوكت اد صيبت اشي ما بينقل الرايحه وبيعطره لهيك حبيته كمان , لانو بكدر اشرب كاسه الكهوه وهو ع اديا وبعرف انو ما راح تتعطر الكاسه , اشتريته مرتين بعدين حكيت لازم اجرب غيره , بس اكيد كان عاجبني طول الفتره .

؛





هاد كريم ادين ريحته ليمون بس كان قوي ع اصابعي لهيك يعمل نشفان ويعمل شاندير بس كان رهيب ع اكواع اديا , وحتى اد حطيته ع اديا كان يبيّه ويفتخ الادين عنجد رهيب بالتبيض بس بنفس الوكت يعمل شاندر ع ادايا لهيك استخدمته ع اكواع اديا ومش عارفه خلصته او محطوط بسله الكريمات بصراحه , ع الاغلب خلصته لاني حكيت هالحكي زمان بس من فتره رتبت وما لكيته .

؛




اظن حكيت عن هاد القناع من واندر , كلشي جربته من واندر عاجبني عالاخر , لهيك دايما ما بتخيب املي هالشركه من عنايه لميكاج , وكد ما كنت احبه ضاع مره مني , ومكنتش عارف وينه , بعدين لكيته بعد فتره طويله لما اشتريت اخوه ,رميت الكديم لانو اكيد اتاكسد وانتهى مفعوله وما فتحت الجديد , لانو كنت بفتره اقنعه الرمل , وفي قناع خلع بالوكت هاد بستخدمه , بس يعتبر عندي واندر من احب واحلى اقنعه الخلع .

||






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 06-12-2020, 07:37 AM   #422
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

مغرب الخميس || يوم عطله || 6\11\20 ..~

واخيرا اجى الوكت لاحكي فيه بالمدونه , صحتي الجسديه الحمد لله منيجه , ونفسيتي كمان مشان يومين عطله حتى لو ما كان فيهم وكت لحالي , عندي هيك من جواي مشاعر اشتياك للمدونه .

ايام العطله .. ليل التلاتاء كنت تعبانه كتير ومع اني وعدت حالي اسهر ع البلستيشن ومع هيك جسمي ما ساعدني , نمت متل الجاج ع ال 10 , كنت اصحى بالليل كتير بس مع هيك كنت مبسوطه انو فش عليا شغل الاربعا ..~

اما الاربعا اصحيت بدري لانو اتفكت مع شهيره تاخدني اشتري بطاريه للسياره , لانو اليوم المشترك اللي احنا التنتين معطلين فيه , اجت عندي بدري واطلعنا حوالي 9 الصبح , والحمد لله كانت الامور ميسّره واشتريت البطاريه ومكانش سعرها هالاشي البخوّف , وعطول خبرت اخوي واحد مشان يجي عندي بعد شغله يركبّها .

بعد ما خلصت من كصه البطاريه , روحنا اتحوجنا كمان شويت اغراض وبعدها رجعتني ع البيت , وكان في حكي انو راح تجيب امي واخوتها عندي بعد الظهر , لما ارجعت ع البيت كان طبعا كايم كاعد لانو فتره مش مرتبته لانو 6 ايام بالكامل اشتغلت فيهم انهديت , وكانت الكصص تتراكم عليا , لهيك عملت حمله تنظيف وترتيب , واجيت بدي اكعد الا جرس البيت برن .

كانت اختي ايمان مع اولادها وبعد بشوي اختي اماني مع اولادها وضلوا عندي لقبل العصر , قبل ميعاد ترويحتهم اجى اخوي واحد , كعدوا شوي , وبعدين اتسهلو , وانا واخوي بلشنا بكصه تركيب البطاريه , والحمد لله ركبت واشتغلت السياره , بس ضل يحكيلي انو لازم امشي فيها , لهيك فكرت بكصه بس اسال شهيره الكسوله اد بتعملها , وبعدها هو اتسهل .

ارجعت عيدت ترتيب البيت الا اخوي تلات جاي , اتعشينا , وشوفتلي فلم وما عجبني , وحكيت مع امي ومع حبي وبعدها نمت بس بضل اصحى بالليل كتير ومع هيك ما بتنكد لانو بعرف فش عليا شغل .

اصحيت اليوم ع تلفون من اختي ايمان بتحكي هيها بالطريك بدها تطلع ع مشوار وتاخدني معاها , داخليا بديش , بدي يوم عطله لنفسي , لا اعمل اشي بالبيت ولا اطلع منه , اضل هيك مرتاحه او العب بلستيشن , وبنفس الوكت بكدرش احكي لأ لانو فش مالي اشي ولانو ليش اخذلها , الطلعه معاها عشان تتسوق اواعي وهيك كصص بحبوش من مره معاها بيني وبينكم , لانها نوع من الصبايا اللي بضل تلف وادور ع الكصص وبتاخدش قراراها اد بدها اياه ولا لأ , وكديش بنمشي وبنتعب ولما نوصل ع الكاش بتبطل بدها اللي معاها , او بتاخده وبعد بيومين بتحكي رجعته , او بترميه بالخزانه مكان فيها عالفاضي , هو ماشي كل واحد حر بس بحكي عن حالي بزهك من هاد الاشي وبزهك بالتسوق معاها , مكنتش متوقع انها تيجي عندي بالسرعه هاي , ايمان مش بمواعيدها من مره لهيك ما اخدت ببالي انو عشر دكايك وتكون باب البيت , حكيت ساعه وبتكون باب البيت , بس عنجد بعد عشر دكايك , ما شوفت الا جرس البيت برن , وحكيت بعقلي مين ؟ اطلعت الا هي اللي كانت , وانا كنت كايمه من التخت لسا , ما حكت اشي لانو ياما اتاخرت عليا , وانا بخمس دكايك واقل بكون جاهزه , لانو بس بلبس بجامه سبورت وفش مكياج وبطلع , بس كصه الكريمات اللي بعرفش اطلع بدونها , واتسهلنا ..

مكنتش مفطره ولا شاربه كهوه , بحكيلكم اد مكنتش عامل هدول الكصتين قبل ما اطلع من البيت محدش يعاتبني ع اي اشي بعمله , بكونش مصحصحه ولا بسمع منيح ولا مركزه ومزاجي سيء , ولما شافتني هيك , عطول ميلنا اشترينا فطور وكهوه , وبلشنا بكصص التحوج , اتحوجت معاها للببت لانو كان ناكصني كمان اغراض , طبعا اطلعنا 9 الصبح وارجعت ع البيت 2 واشي , اللي كنت مستغربه منه بصراحه اني مكنتش تعبانه , كانه الشغل برى البيت صار يخليني اتحمل .

اجيت ع البيت كان عليا كصص طويله ويا رب تستر مع هالكصص المصيريه يا رب تحلها , بين تلفونات وايميلات ومزاج سيء معاهم , يا رب تهونها , خلصت نصه وع امل اشوف نتيجه بكرا , وعليا كمان كصص تانيه وما زبطت , لهيك اكتئبت , اكلت واشربت كهوه وحكيت فش احسن من اجي احكي معاكم .

||

نرجع لبدايه الاسبوع هاد بالشغل , طبعا يوم الاحد اشتغلت لحالي , وكان يوم سيء جدا , شهيره مش معي , مع انه بتونس معاها , بس بنفس الوكت اسمعو يمكن هالحكي يطلعني اني عاطله ومش منيحه , بس هي كتير بتحكي ما بتسكت , لسا صبيه صغيره فرفوشه بتحب تحكي وبدها تلفت الانتباه انو عندها كصص وانها كوول , اكيد صحتين تعمل كل هالكصص , بس انا عكس هاد تماما , عندي مشاكل بعقلي دايما بفكر ومهومه وبدي حلول للمشاكل اللي بحياتي , بدي هدوء وبساطه , ودايما راسي بوجع لهيك لما ما تكون موجوده بخفف عليا من وجع الراس وهدوء حلو بصراحه , بس اشتكتلها كتير يوم الاحد .

اوصلت لمرحله الزهك بالشغل بانو كتير بتعامل مع زباين ومنهم المشردين لانو محدش بدوه يتعامل مع ناس مكرفه ومعاهم حك , بس بعرفش ليش مرات انا بحب احط راسي ببوز المدفع , واحب اروح اساعدهم واكون اضحك معاهم , بالكم يوم هاد ساعدت تلات , بعد التالت اجى المدير فونج حكالي " مريم اضلكيش اضيعي وكتك "ما جاوبته بس مش راح اكزب عليكم ولا ع حالي , بعز كل المدراء حتى لو انهم اظن بيكرهوني لاني بعرفش اشي واني ازعاج ودايما بحيب الهم مشاكل بدل ما اجيب بيع ونسب , بس انا من جواي بحترمهم وبعزهم وبحب اشوفهم واحكي معه , وبدي اتعلم منهم وبدي اصير احسن بشغلي .

في كمان كتير ناس بشتغل معاهم , كمان بحب وجودهم لانو الحكي معهم حلو , وعنجد العقل كله بشو عقلهم وتفكيرهم لهيك بنجذب للحكي معهم , وبحب اللي بضحكوني , ومرات في مواقف صعبه مع الزباين ولازم افقد عصبيتي وانجن بس بعرفش ليش بكعد اضحك, لاني بشوف انو الناس معصبه ع اشي ما بيستاهل .

مرات اد بكدر لانو في شله بكرهها بتاخد تشوف ع التلفزيون , بحب اشوف اشي يا فريندز يا انمي بين القناص وجوجو , لانهم بكونوا بالخيارات اللي كدامي, لما حطيت اشوف جوجو لاني بحب المواسم الاولى , كان جولان موجود وكديش بضحكني هالشب , هالشب عنجد انو رهيب , بعرف كلشي , وبساعد وبضحكني , وطويل بال , كعد يحكي عن كصه انو نص الموسم الاول في جمله بتكرر " ما تعملوش يا جوجو " " لا ما تعمله يا جوجو " وكان يتخوث ولما كعد يحكي عن الموسم التاني اللي واحد من الشخصيات عنده مشكله في بعيد عنكم كل حمام بروح عليه , ولفيت راسي وشوفت انو نص اللي بنشتغل معاهم شايفينه والكل كان كاعد يضحك .

اكيد في زباين حمير وزباين بكرهوني وحتى ناس بشتغل معاهم بيكرهوني , وبتيجي ايام بكون راجعه ع البيت متنكده من يومي الطويل المتعب المكرف بالشغل , ومن جواي بكون بديش تاني يوم ارجع عالشغل بس بكدرش انا بفرصه حتى لو اني راح امرض نفسي منها .

عنا البلد انفتحت اكتر , واحنا بالاصل شغلنا ما سكرنا طوال الفتره , وهلكيت عليا شغل ليوم الاربعا الجاي لاااااااا .

بشوف ارجعت الموسم الاخير من جوجو ينعن شكلهم بالموسم الزنخ هاد مش رهيبات الحلقات وبضّحكش زي اللي قبله .

بشوف في مسلسل عربي اسمه خواتم منيح لاني بحب كاريس بشار كتير وبحب اشوف اي مسلسل بطولتها بوكع تحت ايدي .

الفقراء ضايل كم صفحه وبخلصها والله يستر لاني بمجريات سعيده وخايفه , بس اوصلت لمرحله اتململ منها , كانت بدايتها حلوه كتير , او احكي الشخصيات ما عاجبتني كتير زي شخصيات تاني مرت عليا بكتب دوستيفسكي .

بس هدول الشغلات التلات اللي بعملهم لنفسي وااال , كل وكتي شغل برى , رجعه ع البيت ونوم .

||

بحب السيارات لهيك اد بيجي زبون وسيارته محرزه بكدرش الا اني اصوّرها بصراحه لهيك شوفوا شو هم وكصتهم ..~



BMW i8

صاحبها غريب شكله , ليكون مش صاحبها ليكون مكانيكي , لانو عنجد كل ما اتزكر شكله وشو لابس ؟ الله اعلم , كان زبون تيم ومكدرتش احكي مع الزبون ولا مع تيم, تيم بكرهني, وصاحبها كان مستعجل بس نزل دفع فاتوره وخلاها شغّاله وكانت ردت فعلي انو مكدرتش الا اتحرك واروح واصورها , حتى صاحبها انتبه عليا وابتسم
هاي السياره اعرفت عنها من حد من اصحابي صورها وبعتلي اياها وكان تصوريه بشع لدرجه طلعت السياره بشعه .

؛



oldmobile

هاي الشركه بطلت موجوده لسيارات كديمه كتير كتير , صاحبها كان جدا لطيف وختيار بس كان راقي ولطيف وحكى لما سالته عن السياره لانو كان زبون جولان , حكى انها من جده لابوه وبعدين هو .


؛

اليوم حكيت عن كل الاسبوع ..~ بشوفكم






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 06-25-2020, 09:26 AM   #423
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

العاب بلستيشن العبتها خلال رمضان 2020 وقبله وبعده , وكل ما بتزكر هديك الايام عن حالي كانت ايام حلوه بسيطه خفيفه حتى لو كنت امرض ونفسيتي من ناحيه حبي محطمه , كانت ايام بدون شغل عشان كورنا , وكانت في مساعده كبيره من خواتي في الاكل , كنت بين النوم والعباده والبلستشين , وكان عندي الوكت اني اعمل هدول الشغلات , كنت مبسوطه اني مش مكصره في العباده ..~

لهيك راح احكي عن الالعاب ..~

until dawn





اخدت البلاتينيوم فيها وكنت مستمتعه لابعد حد حتى وانا اعيد فيها , رسوم حلوه وكصه حلوه وشخصيات حلوه , رعب رهيبه , من العابي المفضله .



||

من اكتر المواقف اللي ارتفع ضغطي وانا العبها لانو بديش اياها تموت , اعرقت وانا بهاد المقطع , ومتت , بس عطول بسرعه طفيت بس اللعبه ولما بلشتها كانت الحفظ قبل موتها وهيك انقذتها




||


hidden agenda




اخدت لبلاتينيوم فيها و اللي صنعوا لعبه انتل دوان هم نفس اللي صنعوا هاي اللعبه , كانت قصيره والتحكم من بلفونك , ما كانت رعب بس كانت تحقيق , الكصه حلوه , ومع هيك لعبتي الاولى منها ما اوصلت للقاتل , متت قبل ما اوصله , كانت اختياراتي جدا غلط لاني وثقت بالشخصيات ومع هيك كمان استمتعت فيها وفي الاعاده منها لانو ملان شغلات ما شوفت باللعبه الاولى .. ~




||

life is strange 2




اتحطمت من هاي اللعبه , الاجزاء الاولى من العابي المفضله التوب اللي لليوم ببالي , بس هاد الجزء كنت عم انجلط وانا العب فيه , الكصه سيئه , عم اربي اخوي اللي ولا اشي بيعجبه اد عملت منيح او اد عملت عاطل , انا بدون الواسطه بكره الصغار , يجيبولي ولد صغيره بلعبه , بدي اعمل كصص ما اكدرش مشان حضرته الحساس الغيور اللي جلطني , ما الي دخل بكل المشاكل اللي اخوي بيعملها , هو سبب كل المشاكل لانو بسمعش الكلام ولانو ولد صغير , حتى النهايات بشعه , لعبه اختيارات دراما بشعه عندي ومستحيل افكر ارجع العبها حتى لو ارجعت مشان كم تروفي واخدت البلاتينوم . في شخصيات حلوه جدا بس مش الابطال اللي اشوفهم بكل الحلقات



||

little nightmares





في اجزاء جديده نازله منها راح استنى لوكت التخفيظات واشتريها لاني عنجد حبيت هاللعبه , بتصدكوا ا د بحكيلكم عن حالي كانت لعبه صعبه مع انو ما بتوحي بهاد الشي , بس كتير كنت انمبسك من العمالقه , كتير كنت اموت , لاني مش سريعه بالركض منهم ولانو ما عندي بال اتخبى واستنى ليبعدوا , لهيك هاي اللعبه ما اكدرت اخد البلاتينيوم لانو في تروفي واحد ما حتى فكرت اني اجرب مشان اخده لانو الشرط مشان تاخده انو تختم اللعبه برقم قياسي بالوكت مع بدون ما تموت ولا مره واحده , جايين يعملو تروفي لوحده ماتت 100 مره فيها للعبه , بس عنجد لعبه حلوه كتير عندي ..~




||



طفيت اللعبه بعد هاد المقطع , وبحثت ع انو اد في حل اني ما اكله وطلغ فش حل , اتنكدت من هالمقطع .

||

ومن شوي ختمت لعبه :~

sherlock holmes the devil's daughter



اخدت البلاتينيوم فيها , كان فيها الغاز صعبه, بس بدها تقرا ليحكولك شو الحل , منيحه اللعبه بس مش حلوه بالنسبه الي , يعني مش بشعه بس عاديه ’ ما استمتعت فيها بصراحه , ازهكت وانا العب فيها وما صدكت اختمها , اللعبه الاولى اخدت اغلب التروفي ما عاد بس واحد , لهيك عيدت بدايه المرحله التانيه لاني بالغلط عملت لاحقا للي بعمل فيه وطلع اد عملته باخد تروفي وهيك ختمتها .

||

لانو زمان حكتلكم راح احكي عن الالعاب وضل ببالي اني اجي احكي , اما عن حياتي مش جاي عبالي احكي لانو كلشي بسد النفس ..اشوفكم ع خير






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 07-09-2020, 10:03 AM   #424
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~


ما بحكي عن مجريات ايامي لانو من وكت ما وكفت وانا استنى انو يصير معي اشي منيح مشان اجي احكيه ومش صاير , بالعكس مصايب كبيره بتصير معي , رؤوس اقلام منها ..~

المحل الصغير اللي كنت اشتغل فيه سكّروه ع الاخر , يعني حتى لو راحت كصه كورونا مش راح يفتح , ولانو اعدادنا كبيره بالمحل الكبير اللي بنشتغل فيه بالوكت هاد مجموعين من كل المحلات, الشركه قررت انو اللي بشتغلوا بالمحلات اللي اتسكرت ومش راح تفتح انه ينطرد من الشغل عالاخر , اعطونا هاد الخبر من نص الشهر الماضي انو ع اخر هاد الشهر فش شغل , في احتمال وخيار انو نشتغل من البيت ع التلفونات , اغلبنا ما وافك انو يشتغل من البيت , المصاري اقل , الدوام الساعات مختلفه , اصعب ووجع راس , انا لانو ما عندي القرار اللي نفسي فيه (اترك)انجبرت اني اوافك ع اني اجرب اشتغل من البيت ولما ابلشه اخر هالشهر بخبركم . بس حتى الشغل بالمحل الكبير بالوكت هاد من مره مش عاجبني , دايما فلسفات الكبار , كل التعب وما بهمهم , فش عدل , وفي مغاوزه اخت شلن , لهيك ما مصدك اني اترك الشغل , راح اشتاك لشوي من اللي بتشغل معاهم , لانو في ناس بضّحكني كتير وناس بتساعد وناس حيوانه .

||

المصلحه اللي بيني وبين كريس طارت ,الشب الحلو اللي عنده الهر روميو , كانت صدمه الي , مكنتش متوقع بالسرعه هاي لانو يضل يحكي كريس انو مبسوط في المصلحه اللي بينا , بس عشان كورنا مكان شغله راح ينتقلوا , يعني هو كمان راح يطير , بعد ما اتعلقت في روميو ؟؟! بعد ما ساده اتعلق فيه , لليوم مصدومه وحزينه انو روميو طار وانو فش روميو , لليوم كل ما بيجي عيني ع شباك غرفته بتزكر كيف روميو كان يستناني , هاد الاشي الصار كتير زعلني ولحد الان مش كادر اتجاوز الصدمه , لهيك حزينه , بس الناس بتيجي عشان تروح , كد ما بحاول اقوي قلبي انو ما يتعلق باشي , بس مكدرتش الا اتعلق في روميو , مكدرتش الا احبه , خبيت هاد الاشي عن الكل الا اخوي تلات لانو عايشن مع بعض ,لما شافني بحكي مع كريس وشاف كيف وجهي عرف انو في اشي مش منيح , ولما عبرت البيت اخوي الله يخليه ويهونها عليه , عطول حكالي " مريم تزعليش الدنيا فانيه " دايما اخوي بضل يحكيلي هالجمله بكل مصيبه بزعل عليها , بس مكدرتش اني ما ازعلش , مكدرتش اني ما احزن , اشتكتلهم .

||

كصه تعقيد وتاخير ع اوارق خطيبه اخوي تلات اللي بالبلاد صارت كصص وحاله عشان كلشي مسكر وانا اشتكت لاهلي كتير وبكدروش يجيو عشان كورنا ولما طلبت خدمه كبيره من اخوي واحد عشان اهلي , سمعني حكي وانا اخدت ع خاطري ولليوم لسا زعلانه منه ع ظلمه , معروف عني عاطله ومعروف عني بكره مرته , بس بنفس الوكت معروف عن كرمي , وع انو بطلبش اشي منه ولو اني بكدر اعمل هاد الاشي لاهلي او اخوي تلات او خواتي كان عملناه وبديش جمايله , بس الزمن كيف عليا الحمد لله , وكيف هو كل ما كان بحاجتي باكبر مصايب عطول اوكف معه ركاض , بس كله بضيعش من ربنا . ولحد الان زعلانه ع تصرفه , زعلانه ع حالي , زعلانه ع الدنيا اللي غيّرت الناس , زعلانه انو ليش الواحد يكبر وليش كل بده يبلش عايله ونسي العايله الكبيره الاساس , كيف الكل بلوم , ليش محدش شاف كديش اهلنا تعبو علينا , ولا هلكيت صاروا ولا اشي .

||

كصه كبيره كبيره صارت مع حبي , لما صارت اول مره انصدمت , ما اتخيلتش انها تصير , انصعقت وكديش هو سقط من عيني , لما خبرته عن الكصه وعدني انها ما راح تنعاد وانا من النوع اللي جد الحكي ما بمشي معي , بس بعد بكم يوم انعادت , ما انصدمت ,كعدت اشوف كيف كانت ردت فعلي , كعدت اشوف كيف وجهي وكيف تصرفي , جدا استغربت من حالي , كيف انو ما انكهرت , ولا حتى رديت او عاتبت , كأني اوصلت لمرحله الزهك من الاغلاط , كأني كنت استنى غلط عشان انا اللي اشطبه من حياتي وبدون ندم , بعد اخر مره جنني ت رضي عليا بعد ما كان لئيم وهز بدني بالحكي , امبين داخليا انا من جواي ما انسيت وكنت حاقده , ومع هيك في اشي واحد خوفت منه , اد اهلي بينضروا من هاد الاشي , لهيك شطبته وهو ما استغرب ولا اجى يسال , وانا دايما بشوف اد هو بكون بصحه منيحه بهمنيش اشي تاني , ومع هيك الله ياخده عن كريب ومش راح اندم ع فراق بدون وداع , ضليت متحمله اللي صار ومش حاكيه لحد اسابيع , امبارح انسيت وحكيت لامي واليوم حكيت لايمان , اترتحت اني حكيت , امي انجنت وكعدت تتحلف انها مش راح تسكت , واندمت اني حكتلها , وايمان زي كانها من عيونها بستنى تشوف وين انا غلطت بس ما لكت . بس ما اروح اعمل زي جروشنكا , اد لا سمح الله صار راح اخبركم .

جروشنكا احد شخصيات دوستويفسكي , واوصلت لفصل كانت تتحلف للي بتحبه , بس لما رجعلها , هي نسيت كل الحقد ورجعت ... هههههههه اه يا بطني .

||

احكي عن الشب العربي الصاحب هان عيونو , ينعن شكله , عشان المصلحه ارجعت احكي معه , مصلحه شغل بينا , اخ هالشب شو خدوم وبساعدني , هاد من الشباب والاصحاب اللي عند كلامهم ووعودهم ’ لسا لحد الان ما صار اشي بس يا رب تزبط كصه الشغل صارلي اسوعين فيها ومش زابط اشي , بدي اياها تزبط مشان اخبر امي لاني مخبي عليها وكديش صعب عليا اخبي عليها , بس اكيد اتزاعلنا , هو في شب او حد انا ما بتكاتل معاه ؟ كنا ع تواصل كل بوم كل يوم , اجينا ع يوم انا كنت محطمه من الشغل وكان يوم جدا سيء بالشغل وبالحياه , وما انتبهت ع المسج تبعه اللي باعته الصبح , بالليل عاود كمان بعت مسجات من عمات الضو عندي ما انتبهتش انو كاين باعت مسج الصبح , وكان يحكي بالمسجات انو رني عليا , مكنتش بمزاج احكي مع حد , ارجعتله انو احكي مسج , وبعدها اختفى , بعد نص الليل لما اهديت شوي بشوف انو ما رجعلي ومش من عادته من مره , عم اتصل ما عم يرد ولا حتى ع مسجي , عطول اعرفت انو زعل , بس ينعن شكله في بينا مصلحه بكدرش انا اطنش واحكي لعمرك , ومع هيك نمت وطنشت , تاني يوم ما حكى معي من مره , حكيت اكيد زعلان اكيد , تالت يوم ما وصلني اشي , صرت احكي ينعن ابو المصلحه بس اللي بدها تخليني اروح اتأسف , بعتله مسج بنص الليل وحكتله انو متاسفه وسامحني اد زعلتك مش كصدي بس مكانش يومي , انا صبيه ببعت مسج بالاول قبل ما ارن مشان اد بكونوا مع نسوانهم مع صاحبتهم ما اعملش احراجات , بس هو صاحبته امركانيه بهماش هيك اشي , المهم بعد بكم دكيكه رجعلي , اخ كديش ارتحت , يا عمي بفهم , وحكى انو بزعلش مني حتى لو بعمل كصص بتزعل , الكزاب مهو زعل وحرد وغاب , مش مهم مش مهم المهم انو رجع عشان المصلحه , المهم انو بفهم ينعن شكله , اليوم اللي وراه بدي اتاكد انو صافي يا لبن , بعتله مسج اطمن , رجعلي بتلفون وضلينا سهرانين نحكي ولسا كصه الشغل ما انحلت وي ارب تنحل , وعشانه عنجد كتير بتعب معي حكتله اعزمك ع كهوه , بس بعد ما كترت حكي معاه بالتلفون خوفت منه , لهيك لغيت الطلعه معاه وخاصه امي ما بتعرف وخاصه كمان انو يوصل لخواتي ويكعدوا يسمعوني حكي اني بجيب حكي من ازواجهم المتخلفين , وانا مش ناكصني لانو بدون الواسطه هم عامليني شمّاعه لكل مشاكلهم مع ازواجهم .. مع انو والله كديش نفسي نروح ع المحيط نشرب كهوه مع بعض , زهكانه وبدي صاحب بفهم هان , صاحب بس ! بس بشوف حالي كل ما بكبر كل ما بديش اعمل مشاكل وخاصه لخواتي , صرت اشوف انو الاشياء اللي بحب اعملها وبتبسطني راح تأثر بالعكس عليهم لهيك بطلت اعمل اشي .

صحتي النفسيه محطمه مشان شغلي , والجسدي صارلي شهر بالزبط عندي صن بالذان ووجع بعمل وجع راس ودوخه وفش توزان , بس طالما انو ما بوكع ع الارض ومش ظاهر عليا هيني متحمله وبس ..~






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 07-16-2020, 10:27 AM   #425
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم..~

من نص ليل يوم اربعا || 7\15\20 ..~

حزينه هالفتره هاي , حزينه كتير , كلها كانت فتره وداع , ودعت كتير ناس !

اولهم كريس والهر تبعه روميو , كريس كان جاري بالحاره وسالني اول ما اجى بالحاره اد بكدر يحط ورد بالحوش تبعي مشان فش حد فيه ووافكت لهيك كان عامل الحوش عندي جنه , وكان يدخل عليه وكت ما بده مع صاحباته وحبيبته ,اعطيته المفتاح , وانا بالمقابل ادخل غرفته مشان اجيب روميو عندي ع البيت ,بس عشان كصه كورنا ترك الحاره ورجع ع مدينه اهله , يوم من الايام اجيت ع البيت بعد يوم نكد طويل بالشغل, ولما اجت عيني ع الحوش شوفت انه ضابب كل الورد في صناديق مشان ياخدهم , ع كد ما كنت مجهز حالي لهيك وكت , بس لما شوفت كيف الحوش و انو اجى الوكت ليترك الحاره ازعلت , ازعلت ع الفراق ,دموعي نزلوا ازعلت ع اني مش راح اكدر اشوف روميو, ومن وكتها وساده كمان زعلان انو بستنى في روميو ورميو مش جاي عندي , كديش اندمت اني عرفت ساده ع روميو وخليته يتعلق فيه , اخ ع الدنيا اللي كد ما بحكي انوالناس بتيجي لتروح , بس لما تروح انا بزعل وبحزن , الناس ع ارض الواقع ثرت احزن غ فراقهم , اتزكرت فراقي للبلاد لصاحباتي ولحبي الله ياخده ..
كريس شب ابيض من احلى الشباب اللي مروا عليا بحياتي بالنسبه للجمال , كريس هو من التايب اللي انا بحبه من شكل وشعر ولبس وحياه , ولما ودعته وسكرت الباب دموعي كمان نزلوا , من يوم ورايح فش حديث عنه ولا عن روميو ..

||

الشغل طردوني , او احكي خلونا نترك مشان نبلش شغل من البيت , انا بالاصل مش طايك الشغل , بس في ناس بشتغل معاهم , اه شو اشتكتلهم , اخ شو كنت احب اشتغل معاهم , جوناثان وعيونه بالوداع , جوناثان اكتر شخص مفضل عندي , كديش وجوده كان يخفف عليا نكد الشغل , كديش احب كلامه وكديش احب لما يضحكني , كان يضل يضحكني , وكان يساعدني بالشغل ولا مره اساله الا ما يساعد , هو تحت المدير بس بعرف كلشي بالشغل كلشي كلشي , فش مشكل الا يعرف يحلها وتيجي ايام نكد عليه ومع هيك اد اشترى اكل بحبه اشوف كل تعبه بروح , كل ما نشتغل بنفس الايام الا ما نكون جنب بعض , احب انا اروح اوكف جنبه مشان نحكي , مشان اسمع كصصه واضحك واضحك من جوات قلبي , كل ما بتزكر اول ايام اشتغلنا فيها , لفت انتباهي لانو يحب بضل يشتغل وانا متحمسه اتعلم , لهيك كنت اروح اراقبه واضل حواليه , اشوفه يجحر فيا ومتنكد مني , مع الوكت اعرفت انو اكتر اشي بكرهه بالدنيا حد يكون قريب منه , ومع الوكت ما اكدرش الا انا اضل حواليه لانو رهيب بالشغل ولانو هو وصاحبه مارك نكشه , بالبدايات كانوا يحاولوا يخلوني اغار من الزباين البنات , انهم يحكو عنها حلوه ومن هالحكي وانو خلينا نحفظ رقمها مشان نتصل عليها , بس صاروا يشوفني انو هاد الاشي بالعكس بخليني اضحك وخاصه لما اعطيهم نصيحه , استغربوا وصاروا يسالوا اني اد بحب البنات وانا كالعاده بفطس ضحك , ومع هيك كل يوم جوناثان اد مداوم انا بضل حواليه اد لا انا ولا هو مشغول , هاد من الشباب اللي مش راح انساهم بحياتي , كان يخلي يومي بالشغل سهل بوجوده حواليا , باوكات ما اشوفه الا فوك راسي برمي كلمه مشان اضحك وعطول انامكدرش امسك حالي الااني اضحك .
شب اسبنيولي مواليد ال 93 لانو ورجاني هويته مش حلو من مره , وعنده وسواس النظافه , اشطر واحد بالمحل بالشغل , اسمه الوسط لورا , لهيك الكل بنادي عليه لورا ع اسم بنت , صريح واكتر اشي بحبه الاكل وخاصه البرجر , ومع هيك مش راح انسى عيونه .

||

في كمان شب تاني كولينك , شب صيني ينعن شكله التاني مكدرتش اودعه لانو كان غايب ملهي مشان مرته جابت بيبي , كديش كنت استناه مشان اشوف صوره البيبي بس تركت الشغل قبل , هاد كمان رهيب , شاطر بالشغل , بس لئيم مع الكل , بتحملش الزباين ولا حتى المدراء , بطرد الزباين اد فش مصلحه وراهم , كمان كنا نضل حوالين بعض , مكنتش اسأله بالشغل بس كنت اراقبه لاني كنت اتعلم منه كتير كصص بالشغل , واتعلم منه كيف اكون لئيمه مع الزباين وكيف اطردهم , وكيف اد اجى زبون حد من اللي بنشتغل معاهم ما اساعده واروح احكيله مين اللي ساعدك بالاول واخده عليه , يعني ما اصلّح غلط حد من اللي بشتغل معاهم , ما الي دخل في زباينهم . كان هو من الاشخاص اللي بفرض حاله بطريقه حلوه اني اوافك , يعني اكون اشوف ع تلفزيون الشغل ما اشوفه الا فوك راسي بحكي معي , اكون صافنه ما اشوفه الا جاي جنبي بلعب لعبه ع بلفونه وبحكلي شوفي , اكون بحكي مع حد ما اشوفه الا اجى وبحكي , كانت شخصيته حلوه , مع القناع بتفكره صغير , بس لما يشيله امبين العمر عليه .
عمره في التلاتين متزوج واسم مرته مريم وصاحب كيم لهيك اتعمقت معاه لانو كيم رهيبه , لابس فضه كتير حلو , وكان دايما يرمي حكي بالبدايات انو الشب السيء ومتعرفوا كدبه من صدقه , وانا كنت صريحه لهيك صار حواليا .

||

ما انسى جولان , عزيز عليا جدا جولان , جولان كلامه ولطفاته وبعرف كلشي وبضحكني ,جولان رهيب جدا , جولان شخصيه بتمنى تكون من شخصيات اصحابي القراب عليا , حياته مغامرات , صريح معي لابعد حد , كنت احب نروح نتمشى مع بعض , احب لما يورجيني الصور اللي بصورها الرهيبه , او لما نروح مشان هو يدخن وانا احط اسمع اغاني عربيه حزينه وما نحكي اشي , اخ شو راح اشتاكله اخ .

عمره 24 شب اسمر بيظهر عليه انو اكبر بس من احلى الشخصيات اللي اتعرفت عليها بامريكا .

||

هدول هم الاشخاص الوحيدين اللي عنجد احب انا اروح اكعد معاهم او اوكف او اكون جنبهم , لانو شخصياتهم حلوه كتير , هدول الاشخاص اللي كلامهم مش ممل , واللي يضحكوني , واللي يساعدوني , هدول الاشخاص اللي مش راح انساهم .
بالعاده بالشغل اد في حد جنب شهيره اتركها واروح ع المقدمه من المحل مشان استقبل الزباين ,لاني عنجد اكون بدي اتعلم وبدي اساعد الزباين ,الكل بالشغل كان يشوفني اني مش كسوله واني بدي اتعلم حتى لو بعرفش اشي , وانو يا بتعرف تحكي معي عشان تشد انتباهي يا اما مش راح احكي , ومكنتش استخدم بلفوني زي الكل , اكره استخدمه لانو بوجع راسي لهيك كنت اضل صافنه بالباب او بالسما , واد اجى زبون راح اروح عليه ركاض , معروف عني هاد الاشي , شهيره كانت واحده كسوله جدا , اضل بس كاعده ع الطاوله الاخيره ع بلفونها , واضل تحكي حكي بلا طمعه فاضي ممل تافه يوجع راسي , كنت ازهكها وازهك كلامها , ومع هيك بديش اتركها مشان الاحساس انها لحالها , الا لما اشوف حد اجى عنا واطمن انها مش لحالها , مكنتش اسمع كلامها وهي تحكي ومكنتش ارد عليه , لانو هبل هاد اشي شخصي بس هاد شو اشوف , لهيك كنت ازهك الكعده معاها لابعد حد , افضل اكون لحالي ولا اكون جنبها من كلامها الكتير الفاضي ومشاكلها التافهه , وانا بالمقدمه يجيو عندي يا كولينك يا جوناثان يا مارك او كيم الرهيبه اللي اختفت وكديش مشتاك الها , اكتر ناس تشتغل هم كولينك وجوناثان وانا اكون معاهم .

||

احكي عن المدير الكبير , اللي هو اكبر واحد واللي هو مسؤول عن كلشي اسمه فونج , كمان هو صيني , بكل صراحه , كديش كنت احب اطلّع عليه , هيك بعزه من جواي بدون سبب , هو شخص كلامه خفيف جدا , بس براقب وبسمع كلشي بصير , خبيث , ومع هيك , ينعن شكله , بحب اضل اطلّع عليه , هو مش حلو , ولا حتى جذاب ولا حتى ملابسه رهيبه , بس فيه اشي بشبه للياكوزا فيه , مشيته وسكوته , عشانه صيني , وكمان الوشم اللي ع ايده , ياكوزا ياكوزا , كل ما اطلّع عليه الا ما ابتسم , ولما اشوفه بحب انادي عليه بووس , عنا المدراء بنحكي معاهم في اسمائهم عادي , بس انا هاد المدير بحبش احكي معه في اسمه بحب انادي عليه بووس , اه شو راح اشتاكله .

في كمان ناس بحكي عنهم مع الوكت لاني انعست ولاني حزينه ولانو الكل راح ما ضل الا ساده .






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 07-23-2020, 09:24 AM   #426
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

ليل الاربعا 7\22\20 ..~

جواي غضب , بدي انفش في حد , او اعمل اشي يطلعه كله احسن ما يطلع ع ناس ويطلع ع راسي , عم اسمع اكس اكس , وحاطه قناع ع وجهي , خلصت تلفون مع امي , وانحطيت بخيار اشوف حلقه من دراما كوريه ولا اجي ع المدونه , بس قرات تقيم وصلني حكيت انتو ابدى ..~

بدايه هاد الاسبوع اتكاتلت مع اخوي واحد , حسيت هو عم يستناني ع نكشه مشان يتقاتل معي , حسبت كره جواه بعيونه , طول فتره وجوده كنت اشوفه مش عاجبته , بعرفش شو صاير حتى هيك بكرهني , باثرش عليا لانو هو انتهى من كصه كديمه صارت , بس من فتره بعرفش اد حكتلكم لما طلبت خدمه منه مشان ورق اهلي وكيف سمعنّي حكي وظلمني بالكصه , حقدت عليه ! وكل ما نجتمع اكون بديش اياه يجي وبديش اشوفه , بس صار هالاشي بدون حتى خواتي ما يستشروني , اتفكو معه انو يجي مع مرته , وبنهايه الكعده صار حكي , وكلامه ما عجبني , مكدرتش اتحمل كلامه , مكدرتش امسك حالي , طلعت كلمه مني , وهو انجن وصار يقاتل ويسمعني حكي اني بحترمش وانو هو الكبير , ومع هيك انا ما سكتت , كنت اجاوبه , لدرجه خواتي يسكتو فيا ومكدرتش اسكت , حقد وغضب جواي عشان كل تصرفاته , وهو سحب حاله وانكلع من الدار , استغربت انو خواتي وكفوا معي ,مع انه قبل هالطوشه هم اطاوشو معي وكمان سمعوني حكي بس كنت بمرحله اللامبالاه لهيك ما كملت طوشه معاهم , المهم هو طلع من الدار وخواتي كعدوا يحكو الحك مش عليكي يا مريم وبنفعش هيك يعمل لازم نحكي لاهلي وكل الكصص , صرت اوصل لمراحل بحياتي استغرب من رده فعلي ع المواقف , انا ما ازعلتش ع اللي صار ولا اهتميت لكلامه لانو من جواي بعرف انو بعمل هاي الكصص مشان يحطط حجج لاشياء كبيره جايه مع الزمن , لهيك ما فكرت بالكصه وكنت احكي لخواتي انو ما تزعلوا ع اللي عمله بس كله للزمن وللمواقف الجايه , وليش احكي لاهلي ؟ ابوي اللي مريض ؟ ولا امي اللي عندها الاستعداد احنا نموت مشان هو ومرته ما يتركوا بعض , هاد هو النصيب بالدنيا ! انو شو ما تعملي منيح كله بطير مع الشخص وربنا بعوّض بشغلات تاينه , بس التياسه لما اضلك تعملي منيح مع نفس الشخص , لهيك وعدت حالي وعد للايام الجايه ويا رب يقويني لاعمله .

حتى صرت استغرب انو حبي ما بيجي ببالي ويا رب ما تكتب عليا خطا وانا خايفه من ربنا , بس جواي بستنى بالخبر اللي هو مات , بس خايفه من ربنا يروح لا سمح الله حد غيره يموت , لهيك بطلت افكر بهيك كصص من مره , صرت تمر الايام وتنتهي وهو مش جاي ببالي , الحقد اللي جواي اعوذ بالله منه وسواد قلبي .

بلشت تدريب بالشغل الجديد اللي هو من البيت واليوم كان التالت , الاساتده بضلوا يحكولي مريم اشتغلي ع لغتك , لازم تشتغلي ع لغتك , الله اعلم اد بكدر امشي بهاد الشغل .

لازم انام بدري لانو كل يوم تدريب معدا سبت واحد , وقرطوا علينا ايام , وزادوا علينا نقاط سودا , والتدريب دروس مع اساتده ع الكمبيوتر 8 ساعات باليوم , من التسعه الصبج لل 6 واشي

مش كادره اكمل حكي ..~







الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 09-10-2020, 09:38 AM   #427
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم بصوت عالي ...~

اشتكتلك يالله , عنجد وانا عم ابلش اكتب كديش حسيت اني خسرت كتير بالغيبه عنك , كنت ادخل ايام بدي ابلش اكتب بس عطول يلف براسي انو بنفعش اضل بس احكي الشغلات البشعه اللي بتصير بحياتي , بس حاولت حاولت كتير امسك حالي وانو ما احكي , بس ما الاكي الاشي الحلو بحياتي لاحكيلك عنه , لهيك اكتئب اكتر واتركك واغيب , والايام ورى الايام , وهيك غيبت , ما تفكري اني ارجعت باخبار حلوه , سامحيني , كأنه هيك النصيب وراضيه وربنا عارف ..~

11 بالليل من يوم عطلتي الاربعا , من تاريخ 9\9\20 ..~

عنا حرايق حوالين المدينه لهيك صبحنا اليوم وفش شمس , مغطيّا بالدخان , كانت الدنيا حمرا , وضلا طوال النهار وبحكو يمكن بكرا تخف , لانو يوم عطلتي ف خواتي حكو راح يجي عندي , وفتحت نفسي ع السناب ..~

صار مسؤوله جديده ع البيت اللي متاجره فيه وبضل تنكد عليا وتزيد الاجار وتتفلسف وحاله , وبديش تعرف انو عندي ساده لانو بعقد الاجار ممنوع حيوانات , والجيران اللي فوق راح يطلعوا من البيت , والله يستر من راح يجي مكانهم , وهاد اشي كتير موترني .

صرت اشتغل بالبيت ع التلفون والكمبيوتر لاحل مشاكل الناس مع شركه الاتصال وهاد اشي محطمني , مخليني اكره كلشي بحياتي , لاني بعرفش اشتغل من مره ومحدش يساعدني , ومش عارفه اتعلم .

والسياره تبعتي لانو ما بسوكها لانو لسا عنا مشكله فش مكان للسياره وبشتغل من البيت بلشت تخرب , اخ يا قلبي .

وطواحيني بضلوا يوجعوا وبنامش الليل منهم حتى مع الدوا . ومرات من الكهر اللي بحط حالي فيه , بصيبني الوخز بالقلب , كان يصيب لاقل من دكيكه وصار لاكتر من دكيكه , ومره صابني لمده نص ساعه , حكيت مش راح اصحى تاني يوم , او راح اصحى مجلوطه , بس ربنا بستر

وكمان رميت كلشي بغرفتي معدا خزانه الاواعي , رميت التخت , رميت الكومدينا تبعت الكريمات والمكياج ورميت الجوارير , اشتريت فرشه وبنام ع الارض , وعندي مكتب الشغل اللي عليه كمبيوتر الشغل , واشتريت بس حزانه صغيره جدا احط الكريمات اللي عندي , ووقفت صرف مصاري ع كريمات ومكياج واواعي هاد الشهر , بدي ابسّط حياتي من هيك كصص لانو معبايه مصايب , كان قرار صعب , لانو دمنا عربي وصعب ترمي شغلات وتعيش بساطه , دايما من جواك بدك وبدك , او هيك انا , بس عنجد نفسي حتى مكتب الشغل اصغره اد بكددر , وكمان ملان عندي مخزون من كريمات للزمن , لهيك لاني في هدف بحياتي الا هو اخلص كلشي بحياتي , خلصت من البشر , وخلصت من نص كصصه غرفتي , وفي طريق اتخلص من الباكي . ليش الواحد بوصل لمرحله بدوش اشي من اللي عنده او احكي اخفف منه وبس اللازم اللازم يكون عندي ؟ عشان بفكر انو راح يقتل حاله .


جزء بسيط من اللي بصير معي كل يوم كل يوم , مش كادره اتفائل او افكر بايجابيه او ما افكرش بالاصل ..~

ووحيده , المشاكل اللي بتصير معي مفش حد اشاركه فيها , مفش حد يقويني , ايام بتصل ع فد وبتعطيني طاقه ..~

حبي انتهى , بتيجي ليالي بشتاكله , بس صارت تقل , وطيفه ببالي يقل , عالاغلب انا هيك صرت عنده كمان , بس اللي عمله كبير , مش كادر امسح اللي عمله , الاشي اللي خايفه منه معه , حكيته للكل , كان اشي صعب اني احكيه , بس حكيت لكل واحد من اهلي , كان يجي اللوم انو الحك عليا , بس من جواي المهم عندي اللي مخوفني يسمعوه مني .

بس كل هالكصص مقربتني من ربي .

بكرا عوده للشغل ولكل الوقائع , ع خير اشوفكم ()



||






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 09-23-2020, 09:28 AM   #428
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

تص ليل يوم التلاتاء ... 9\22\20 .. سهرانه ع اللاب توب لان بكرا عطلتي ..~

بالعاده بسهر مع ارق الليل بالتخت مع التفكير اللي بوصل مالطا مش ع اللاب توب

فش ااشي جديد بحياتي , شغلي الحمد لله زي دايما اخر واحده من النسبه ولا بعرف احكي ولا اتعامل مع الزباين او احل مشاكل ولا حتى بعت اي اشي ..~

مشاكل مع خواتي كالعاده عشان كصه الجيزه وبحكوش معي ولا بيجيو عندي , وكله عشان كال مصلحتي , عاساس يعني هم بيعرفوا مصلحتي اكتر من ربنا اللي بالاصل امبين ف نصيب , ومشاكل مع امي عشان بديش ارجع للاكس تبعي , وحكتله اد برجعله راح اقتله واقتل حالي ..~

صحتي النفسي بنامش الا ع وجه الصبح وجسمي كل يوم بوجع اشي , ونفسي بتكون مسكره يالله يالله اكل تسالي وبس بتفتح ع الكهوه , وصايره حساسه بحت انو اضل ابكي ع اي اشي ..~

ومع كل هالحكصص , الحمد لله ! لسا بضل العب رياضه مشان جسمي يتحرك , وبقرأ مش عقلي ينبسط , وكل وكت بكون فاضيه فيه , بحب اضل بالحوش بين الخضار والهوا , عنجد اكتر اشي بريّحني ..~

مين فيكم طلب بلستيشن 5 ؟ او اكس بوكس ؟ عن حالي مش راح اشتري بلستيشن 5 لسا , في شويت حسابات واد بضل معي مصاري زياده يمكن اشتريها , في شغلات اهم هلكيت .

||

ايش بشوف بالوكت هاد ؟

اجنبي :~
veep
Entourage

انمي :~
Gintama

انا مش عارفه ليش آجلت اشوف هاد الانمي , هاد من اكتر الشغلات بالوكت الحاضر اللي بضّحكني

كوري :~
كل المسلسلات اللي يتم عرضها بالوكت هاد واللي خلصت هالشهرين

عربي :~
دانتيل

||

صور من السناب تبعي :~











||

يوم ما كانت الدنيا حمرا عنا







الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 09-25-2020, 08:30 AM   #429
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

السلام عليكم ..~

ليل الخميس || 9\24\20 ..~

اليوم ما اشتغلت , اخدت يوم اجازه من ايام الاجازه اللي بعطوني اياها , امبارح الاربعاء كان يوم عطلتي , بس مكناتش صحته الجسديه منيحه , حكيت يمكن يوم الخميس اصبّح احسن , بس لأ اصحيت اطكع من امبارح , لهيك عطول طلبت يوم عطله من ايام الاجازه المرضيه الموجوده في الجدول تبعي والحمد لله زبط ..~
امبارح الاربعا اجت عندي بس اختي الكبيره , لسا الوسطى حردانه وزعلانه , داخليا بيني وبينكم احسنلي , لانو اخر عريس جابته , ما حكيت معاها عنه من مره وهي عملت كلشي ع كيفها , كنت احكي لحالي انو شو ما احكي واعمل راح اسمع حكي انو الحق عليا وكل كلامها الفاضيه , لهيك حكيت بعقلي بديش احكي ولا اشي ولا حتى احكي معاها لوكت ما يجي الموعد , وهاد اللي صار , ويوم الميعاد هي لغت الموعد وكالعاده حكت للكل عشان الحق ع مريم , وانا هالمره اللي ما حكيت اشي , يعني عنجد انها هبله , لما احكي بتكعد تحكي انو الحق عليا , وهاي المره ولا حكيت اشي وكعدت تحكي لاهلي انو الحق عليا , طب منا ما حكيت ولا عملت اشي , لهيك داخليا مبسوطه انها محاربه , بتعرفوا بهاي الاوكات والضغط اللي صاروا يعملوه عليا صرت اتزكر صاحباتي ع ايام المدرسه , انو كيف اهلهم بضغطوا عليهم وانو كيف بكرهوا تحكم اهلهم فيهم , انا هلكيت بهاد العمر حسيت بكل كلامهم اللي كانوا يحكوا فيه , بالضغط والتحكم لابعد حد ! وبهيك كصص مش بشطاره حد , بكون اللي بيعملوه عشان "مصلحتي " يطلعوا من هاد الحكي . وانو احنا خايفين عليكي , لأ هاد كله عشان بس هم بدهم يسيطروا ويتحكموا وخاصه احتي الوسطى لانها مش كادر تتحكم بحد وبحياتها وجاي تتحكم بهاد الاشي معي , يعني بتعمل هاد الاشي لترضي حالها , مش عشاني .
بالغلط وانا احكي مع اختي الكبيره عرفت عن مرضي , انسيت وحكتلها ع انو الوخز بقلبي , وكعدت تحقق معي وعرفت انو بصير لما تنفتح كصص ارجع للاكس تبعي , وراحت حكت لامي , وهات عاد , امي اتصلت وكعدت ساعتين تحكي معي وانو لو صار فيا انا اشي , هي كيف راح تعيش , وبنفعش اكهر حالي ع حكي وهيك كصص , حكيت وانا اللي بخطط انتحر , بس اسمعوا لاني عنجد بدي اطلع كلشي جواي , من اخر مره لما خلص صابني الوجع وكعد بين نص ساعه وساعه الا اشي , وانو لا اكدرت اتمدد ولا حتى اتحرك , فكرت بحياتي وانو لو متت هلكيت , عامل لاخرتي ؟! فكرت انو بهاد الوكت محدش راح يحزن عليا ؟ وحطيت راسي ونمت , لما توصل لابعد حد بالصراحه بينك وبين نفسك ومحدش شاهد الا ربنا , كديش شغلات بتتوضح .
الاربعا كان في موعد توصيل اشي اشتريته , حجزت من حوالي اسبوعين وطلبت يوم عطلتي الاربعا , اجو وجابوا الطلبيه ولازم يركبوها , كنت كاعده ع العتبه باب البيت وشوفت الشاحنه , نزل واحد من الشاحنه وكعد يحكي "وين نحط الطلبيه " ورجيته وبعدها لما شافني بشرب بالكهوه كعد يحكي اد بتعملي زيها بنحب الكهوه العربيه , الحمد لله ركبوا الطلبيه واتسهلوا , وبعد بشوي اجت اختي الكبيره وضلت للعصر , بس كنت تعبانه لهيك ضلينا بغرفتي انا ع التخت وهم حواليا .
اما اليوم الخميس طبعا لما اكون تعبانه بنامش من مره , احلمت احلام وكوابيس , في كابوس اخ يا ربي اد بحلم فيه راح يكون يومي صعب جدا ومشاكل طويله وراح يضّل منها آثر , لما احلمت فيه اصحيت الصبح براسي انو ما اتعامل مع حد واخد يوم اجازه من الشغل , خوفت من هالكابوس ! بس بنفس الوكت احلمت حلم كنت عنجد بحاجته , وضحلي اشي . لاني بمزاج اني احكي , خليني احكيلكم في ايام بحياتي بالوكت هاد , فيها مصايب بس بطّلت اكدر اتحملها , مع انو هالمصايب بسيطه وزمان مكانتش تأثر عليا , وصرت اشوف التحمل معدوم معي , وكأنوا كلشي بتركّم عليا , ايش اللي اتغير بحياتي اللي كان يخفف عليا وياخد منها , ينعن شكله الله ياخده .

||










الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 10-01-2020, 09:05 AM   #430
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,350
مــرات الشكر: 8
نقـــاط الخبـرة: 1548

Icons13 رد: مأساة روح {هالكه} في اوراق تائهه ~

الشغلات اللي خلصت معي قبل شهر لشهرين ..~ الفاضي ..~

وهلكيت انا بوكت ما اشتري كريمات من مره لانو عندي مخزون مرتب لاخلص منه بشوف شو بعمل بعدها ..صار مارق شهر ونص ومش شاريه اي نوع كريم او عنايه ..~

||






كالعاده ملانه اقنعه من وجه لعيون ..~

كريمات عيون وكريمات جسم وكريمات وجه وعطر ..~

من 3 سنين وشوي اكتشفت french press للكهوه .. لانو اوصلت لمرحله انو طعم الكهوه في المكينه الامركانيه بتغييير وضليت ادور ع اشي سهل ويطلع الكهوه بنكهتها .. ومن وكتها لحد الان بس بشرب فيها وكل فتره بحب اشتري انواع جديده بس للتغير وهاد النوع احسن نوع لحد الان لانو بحفظ الحراره ووكبير ..~

||

اد عنجد حد بيسألني بدون ما يحكم عليا شو الاشي اللي بحياتك بيسعدك , كنت دايما ادور ع الاشياء اللي بتسعدني لاعملها وما لكيت , بعدين اكتشفت لما اكون بمزاج سيء واعمل شغلات اشوف انو المزاج بتحسن عطول وهي لما ... اصوّر صور حلوه للشغلات الحواليا , ولما اشرب كهوه ساده مزبوطه من طعمها لنكهتها لدرجه سخونتها , ولما ازرع بالحوش وتطلع ريحه التراب مع نسيم الهوا , من جواي بحس في احساس الراحه والهدوء ..
لانو عنجد شو حياتي ركاض بركاض , بكون اعمل بكصه وبفكر بكصص تانيه ودايما ما بخلص ودايما هيك عقلي مشغول وبالي مشغول وكلشي تكيل ..~
لو عنجد عند الاختيار نفسي الزمن يوكفعند عمري زز واضل اصور صوره حلوه واشرب كهوه ساده واسافر ع بلاد ملانه طبيعه ||.~






الطاسه ضايعه
~ | آسك| آكبس |~

BeautifuL StrangeR غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< PARASITE➤طفيلي➤ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 12:47 AM.


Powered by vBulletin® Copyright ©2000 - 2020, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity